Директори генерали нави фурудгоҳи байналмилалии Душанбе таъин шуд
Имрӯз дар маҷлисгоҳи ҶСК «Тоҷик эйр» маҷлиси якҷояи кормандони ҶСК «Тоҷик эйр» ва ҶСК «Фурудгоҳи байналмилалии Душанбе» баргузор шуд. Дар рафти маҷлис муовини аввали Сарвазири Ҷумҳурии Тоҷикистон Давлаталӣ Саид ҳозиринро бо Қарори Ҳукумати Ҷумҳурии Тоҷикистон дар бораи аз вазифаи Директори генералии ҶСК «Фурудгоҳи байналмилалии Душанбе» озод кардани Холиқов Р. И. ва ба ин вазифа таъин гардидани Абдуллозода Исматулло Файзулло шинос кард.